| Hegazti behaketa, Lapurriturriko sasoiko lehen irteera |
 |
 |
 |
| Escrito por Administrator |
| Miércoles, 25 de Abril de 2018 12:21 |
|
Noticia publicada en Bidasoko Hitza,el martes día 24 de Abril de 2018. HEGAZTI BEHAKETA, LAPURRITURRIKO SASOIKO LEHEN IRTEERA Iazko irteeretako baten irudia.
Lapurriturri Informazio Puntuak sasoiko lehen txangoa antolatu du maiatzaren 5erako. Hegazti behaketa izango da, eta dagoeneko izena eman daiteke.
Aditu baten laguntza izango dute txangora apuntatzen direnek. Aiako Harria parke natural inguruan aurki daitezken hegaztiak ikusi eta entzutea izango da helburua, eta horretarako, hegaztien gida bat eta prismatikoak eramatea gomendatu dute.
Maiatzaren 5ean, 9:00etan ekingo diote mendi irteerari Lapurriturrin bertan. Maiatzaren 3ra bitarte izena eman daiteke, Irungo Udaleko webgunean edota 010 telefono zenbakira deituz. Gehienez, 20 pertsonako talde bat osatuko dutela jakinarazi dute udaletik.
Sasoiko lehen txangoaren ostean, ekainaren 2an bigarren mendi irteera egingo dute, eta jakinarazi dutenez, informazioa puntua ekaina eta urria bitartean (asteburuetan, 10:00etan) eta uztaila eta abuztua bitartean (10:00etatik 14:00etara) zabalik izango da.
|