Inkesta

Merezi al dute herritarrek bere hiriko aurrekontuan parte hartzea
 
Irungo Udal Euskaltegiak abian jarriko du LANNAHI programaren bigarren txanda PDF fitxategia Inprimatu E-posta
Administrator-k idatzia   
Asteazkena, 2021(e)ko azaroa(r)en 24-(e)an 20:45etan
Euskaratzeko lanean ari gara.

Noticia publicada en Conecta Bidasoa,el miércoles día 24 de Noviembre de 2021.

Irungo Udal Euskaltegiak abian jarriko du LANNAHI programaren bigarren txanda

Programan izena eman nahi dutenek horretarako aukera dute azaroaren 29tik abenduaren 9ra

Irungo Udal Euskaltegiak abian jarriko du LANNAHI programaren bigarren txanda. Langabezia egoeran dauden pertsonei edo %50etik beherako lanaldia dutenei begirakoa da programa eta haren bitartez euskara debalde ikasteko aukera ematen zaie. Bigarren txandako ikastaroa urtarrilaren 10ean hasi eta apirilaren 13an bukatuko da.

Ikastaroa aurrez aurre eskainiko da. Ikasle eta langileen segurtasuna eta osasuna bermatzeko beharrezkoak diren prebentzio neurriak hartuko dira.

Udalak programa honen bost txanda eskainiko ditu 2021-2022 ikasturtean: 3 ikasturtean zehar eta 2 udan. Ikasturtean zehar goizeko txandetan izena ematen dutenek lau orduz arituko dira euskara ikasten eta arratsaldeko txandetan, aldiz, 3 orduz. Udan, ordea, lau ordu arituko dira goizez.

LANNAHI programan izena eman nahi dutenek izen-ematea internetez egin beharko dute 2. txandarako, azaroaren 29tik abenduaren 9rako epean, SAC24h zerbitzuaren bitartez IRUN TXARTELA edo beste ziurtagiri digital batzuk erabiliz (NAN elektronikoa, IZENPE txartela…), eta hori ezinezkoa bazaie, HAZeko autozerbitzu terminaletan (San Martzial kalea, 2) egin ahalko dute matrikula egunero 8:00etatik 22:00etara.

Eskaria internetez egiteaz gain, mailaketa proba egin behar da, Udal Euskaltegian ari direnen edo aurreko ikastaroan aritu direnen kasuan izan ezik. Mailaketa proba egiteko 943 505273 telefonora deitu behar da hitzordua eskatzeko.

Ikastaroa doakoa izateko baldintza hauek bete behar dira:

– LANBIDEn lan eskatzaile bezala inskribatua egotea.
– Langabezian egotea, % 50 edo gehiagoko ABEEn (aldi baterako enplegu-erregulazioko espedientea) egotea, edo lanean egonda ere, lanaldiak jardun osoaren % 50 ez gainditzea.

 

Baldintza horiek betetzen ez dituzten ikasleek matrikula ordaindu beharko dute. Hala ere, ordaindutako kopurua udalak urtero ateratzen duen beka deialdiaren bidez berreskuratzeko aukera izango dute.

 
Foro Ciudadano Irunes - Irungo Hiritar Foroa, Powered by Joomla!; Joomla templates by SG web hosting