Encuesta

¿Que hacer con el aeropuerto?
 
29 urte Kepa Ordokiren heriotzaz PDF Imprimir E-mail
Escrito por Administrator   
Martes, 29 de Noviembre de 2022 22:54

Noticia publicada en Conecta Bidasoa,el martes día 29 de Noviembre de 2022

29 urte Kepa Ordokiren heriotzaz

Heldu den larunbatean (abenduak 3), xumetasunez oroituko du Kepa Ordoki – Memoria Historikoa Bidasoan elkarteak urteurrena. Topaketa 12:00etan burutuko da Hendaiako hilerrian

Astelehen honetan, azaroak 28, Kepa Ordokiren heriotzaren XXIX. urteurrena bete da. Hori dela eta, Gernika Batailoiko komandantearen izena duen talde memorialistak oroimen ekitaldia antolatu du.

Heldu den larunbatean (abenduak 3), xumetasunez oroituko du Kepa Ordoki – Memoria Historikoa Bidasoan elkarteak urteurrena. Topaketa 12:00etan burutuko da Hendaiako hilerrian (Henri Barbusse karrika, 16).

Gudari zirkunstantziala

Gudari irundarra igeltseroa zen ofizioz 1936an. Klase izaera eta abertzaletasun sentimenduek bultzaturik armak hartu eta Gipuzkoa, Bizkaia eta Santanderreko fronteetan borrokan ibili zen, 24 urterekin, San Andres batailoiko kapitain gisa. 1937an, atxilotu eta heriotzara kondenatu zuten. Azkenean, exekuzio kondena hau ez zen aurrera eraman eta Duesoko presondegian atxilotu zuten.

Duesoko kartzelatik eta Gurseko kontzentrazio esparrutik ihes egitea lortu ostean, Amikuzeko ArrutaSarrikota etxera joan zen. II. Mundu Gerraren hasierarekin, Lannemezango armategietara joan zen. Hainbat urtez erresistentzian ibili ostean, Eusko Jaurlaritzaren enkarguz, Union Nacional Españolako euskal herritarrak euskal unitate militar batean biltzeko ardura jaso zuen. Zatiketa burututa, aliatuen esku gelditu zen Gernika Bataloia izeneko unitatea. II. Mundu Gerran, Atzerritarren eta Marokoarren 8. erregimentu mistoaren sartu zuten.

 

1945eko apirilaren 14an, Ordokik fronte atlantikoa askatzeko agindua jaso zuen. Montaliveteko (Point de Grave) Naziak irtenarazi zituzten, Garona ibaiaren ezkerraldean. “Balio moral eta militar” handiko ekintza honegatik, zilarrezko izarra zuen gerra gurutzea ezarri zioten eta Gernika Batailoia zein Ikurriña ohorez eta militarki agurtu zuen De Gaulle jeneralak pertsonalki. “Komandante. Frantziak ez du inoiz ahantziko euskaldunek herrialdea askatzen egindako esfortzu eta sakrifizioak”, esan zion.

 
Foro Ciudadano Irunes - Irungo Hiritar Foroa, Powered by Joomla!; Joomla templates by SG web hosting