Gipuzkoako EAJk Oarsoaldeko eta Bidasoko erronka politikoei heldu nahi die, eta horiei erantzuten hasteko topaketa egin dute Irun, Hondarribia, Oiartzun, Lezo, Errenteria eta Pasaiako ordezkariek. Maria Eugenia Arrizabalaga Gipuzko Buru Batzarreko presidentea izan da bertan.
Jeltzaleek eskualdeko afiliazioarekin eta elkarteekin lankidetza bultzatu nahi dute etorkizuneko “plan eraldatzaile” bat prestatzeko, eta hiru helburu nagusi zehaztu dituzte: lurraldeko lehen indarra izatea; aldaketa eta berrikuntzaren eragile izaten jarraitzea eta abertzaletasunaren etorkizuneko erronkei erantzutea.
Arrizabalagaren hitzetan, gaur egungo politika globalean populismoak eta demagogiak dakartzaten arriskuak nabarmenak dira, eta Gipuzkoa ere ez dago salbu. Hots, fenomeno horiek polarizazioa sor ditzaketela dio. Gainera, herrigintza eraginkorra egiteko beharra ere azpimarratu du presidenteak. “Herria maitatuz, herritarrak errespetatuz eta sektarismoari mugak jarriz”.