Hilaren 30ean (larunbata da) Irungo San Juan plaza dantza pista erraldoi bihurtuko da, Iron Modvm izeneko break dance ikuskizuna jasoko baitu eremuak. Bartzelonako dantza esperimentaleko Iron Skulls konpainiak ekarriko du ikuskizuna. 20:00etan hasiko da, eta ez da sarrerarik ordaindu beharko.

Emanaldiaren aurretik konpainiako dantzariak Pauso-K Irungo dantza eskolako artistek eta dantzari profesional talde batek doako dantza tailer bat eskainiko diete 12 eta 30 rute bitarteko lagunei. Gaztelaniaz izango da, 16:00etatik 18:00etara, Ama Kzko dantza aretoan. Parte hartzeko izena eman beharko da, helbide honetara idatziz.

Joan den asteburuan folk musikaz bete zituzten Irun, Hondarribia eta Hendaia, Bidasoa Folk jaialdiaren XXIII. edizioaz gozatu zuten zientoka eta zientoka lagunek. Edizio honen balorazio positiboa egin dute Bidasoa Bizirik eta Bidasoa Txingudi Mugaz Gaindiko Partzuergoak.

“Urtebete gehiagoz, jaialdi honen arrakasta nabarmendu behar dugu, bai jendearen parte hartzeari dagokionez, bai bertan parte hartu duten artisten kalitateari dagokionez”, esan du Partzuergoaren Zuzendaritza Batzordeko presidente Nuria Alzagak.

Datuei erreparatuta, 2.000 bat ikusle izan dira. “Bidasoa Folk Txingudiko badiako uda agendaren parte da jada. Hiru hirietan bizi diren pertsona askorentzat ezinbesteko hitzordua da. Jaialdi honek eskualdea interes kulturak eta turistiko gisa garatzea ahalbidetzen du, eta aldi berean, hainbat herrialdetako musika eta tradizioak balioan jartzea “, gaineratu du Alzagak.

“Udako gauak animatzeko” asmoz, Kolore Kolore elkarteak larunbaterako (hilak 24) proposamen interesgarria du: gaueko azoka egingo dute San Juan plazan. 18:00etatik 23:00etara, hogei bat artisau eta artisten postuak zabalik izango dira, eskaintza zabal batekin: moda, ilustrazioak, akuarelak, dekorazioa, kosmetika naturala… Elkarteko kideek irundarrak bertatik pasatzera gonbidatu ditu.

Lapurriturriko informazio puntuak ibilbide gidatu berezia eskainiko du datorren irailaren 8an (igandea da) estreinakoz. Gure lagun zuhaitza izeneko ibilbidea egingo dute parte hartu nahi dutenek.11:00etan abiatuko dute eta ordu eta erdi inguruko iraupena izango duela aurreratu dute. Noski, Lapurriturritik abiatuko dira herritarrak.

Ibilbide honetan informazio puntuaren inguruan dauden zuhaitzak ezagutuko dituzte partaideek oinez, bertako espezieak eta horien ezaugarriak identifikatzen ikasiko dute: enborrak irakurtzen eta zein informazio ematen duten, zein espezie diren sendagarriak, zuhaitzei buruzko kondairak… Horrez gain, zuhaitzek atmosferako CO2 xurgatzeko duten gaitasunaz ere ariko dira, eta kalkulu erraz bat egiteko eskatuko zaie partaideei. Ibilbidea bukatzeko, fitxa bat banatuko diete, etxean zuhaitz bat landatzeko jarraibideekin.

Jarduera adin tarte guztiei irekia da, baina bereziki 8 eta 12 urte bitarteko haurrak dituzten familiei begirakoa da. Izen emateak bihartik (hilak 22) egin daitezke, irailaren 2ra arte.