Sutea piztu da Uranzu kaleko 11 zenbakiko beheko solairuan 17:15ean. Ondorioz, zortzi pertsona Bidasoko eta Donostiako ospitalera eraman dituzte sua arnasteagatik eta Udaltzaingoak jakinarazi duenez, ez da inor zauritu erredurengatik.
Aurreratu dutenez, sutea ez da gainontzeko etxebizitzetara zabaldu eta arkitektoek datozen orduetan egingo dute etxebizitzaren nahiz eraikinaren azterketa. Bien bitartean, hamahiru etxebizitzetako hogei bizilaguni gaua pasatzeko ostatu eman beharko diola udalak adierazi du Udaltzaingoak, senide edota lagunen etxean geratzen direnen kasuetan izan ezik. Oraingoz, bizilagunek ezin izan dute haien etxeetara sartu.