Kalderero, Iñude eta Artzainak

Inauterien atariko izan dira Irunen

IRUN. Ostegun arratsean hasiko da ofizialki, Zanpantzarren konpartsaren irteera eta Erraldoien Baltsarekin, Irungo Inauteriak. Hala ere, pasatako asteburu honetan, ehunka lagunek gozatu dute jaiaren atariko izan diren bi ekitaldiekin. Larunbat arratsean Irungo Atsegiña elkarteak antolatzen dituen Kaldereroek ibilbidea egin zuten hiriko kaleetan eta igande eguerdian, Eraiki dantza taldearen eskutik, argazkian argeri den Iñude eta Artzainen konpartsa ere kalez-kale ibili zen, etorriko diren jai egunei begira giroa berotu eta sustatzeko. Argazkia: X.S