Irungo Sorturen herri batzarra, hurrengo asteartean

IRUN – Datorren asteartean, apirilak 16, 19.00etan, Irungo Sortuk herri batzarra antolatu du, Hazia Elkartean, bi gai nagusi lantzeko asmoz. Lehenik, ikasturte politikoaren orainarteko balantzea egingo dute, emandako urratsak aztertuz eta hauen gaineko irakurketa egiteko tartea hartuz. Ondoren, aurrean duten hauteskunde zikloaren garrantziaz jabeturik, honen inguruko azterketa, orain arte emandako urratsak eta gehienbat aurrera begirako eginbehar eta errronkak aztertzera joko dute. – J.G.