Eusko Legebiltzarreko legebiltzarkide izateko eserlekua lortu ondoren, Miguel Angel Paez sozialistak eta Irungo alkateordeak uko egingo dio zinegotzi aktari. Ostiral honetan (hilak 21) egingo du, ezohiko osoko bilkuran, 09:30ean.
Alberto Buen alkatearen agintaldian hasi zuen bere jarduna Paezek 1991n. Orduan, Gazteria eta Kirol Arloaz arduratu zen eta Jose Antonio Santanok alkate makila hartu zuenean, alkateorde izatera igaro zen, besteak beste. Izan ere, udal ordezkari kargu andana izandakoa da Paez, eta bi hamarkadatan Bidasoa Bizirikeko lehendakaria izan da ere.