Ertzaintzak 18 urteko gizon bat atxilotu zuen atzo goizean Irungo Santiago auzoan, droga trafikoa leporatuta. Speed poltsa ugari atzeman zizkioten ertzainek, Segurtasun Sailaren arabera, saltzeko prest zituenak. Drogaz gain, 235 euro atzeman zizkioten.
24 orduz zabalik dagoen autozerbitzu batean atxilotu zuten agenteek. Laban bat lurrera botatzen ikusi zuten gizona, orduan erregistratu zuten.
Atxilotutako gizona epailaren esku utzi zuten atzo bertan.