Zainketa aringarriei buruzko hitzaldia Irunen

irun – Martxoaren 10etik 17ra Bidasoa Zurekin Eskualdeak hainbat jarduera antolatuko ditu Bidasoaldean, gizartea kontzien-tziatzeko gaixotasun kroniko aurreratua duten edo hiltzeko bidean dauden pertsonen zain-tzan eta laguntzan inplikatzeko beharraz. Horien artean, azpimarratzekoa da Zainketa aringarriak etxean. Beste aukera bat solasaldia, martxoaren 10ean, 18.30ean, Irungo Palmera Montero Gunean izango dena. Bidasoko ESIko Etxeko Ospitalizazioko medikuak Montse Pérez García eta Manuel Millet parte hartuko dute. Profesional hauen hi-tzetan, hitzaldiaren helburua "etxeko zainketa aringarriei ahotsa ematea" eta "bizitzako azken egunetan geure burua zaintzeko eta besteak zaintzeko" tresnak eskaintzea da. Ildo berean, zainketa aringarrien faseen berri eman nahi dute osasun langileek, "herritarrengana iristeko" asmoarekin, heriotza duina izateko proposamena eta irizpideak bidasotarren artean zabaltzeko.