Noticia publicada en Diario Vasco,el jueves día 10 de Marzo de 2022.

Hiriko abesbatz baten partaidetza izateaz gain, igandeko kontzertuak irundar ukitu handia izango du. IGAk eta Oskarbik elkarrekin eskainiko duten kontzertuaren hirugarren zati horretan, taldearen 'Soin berriko koplak' obra estreinakoz abestuko dute. Kantu honen hitzak Peio Otxoteko poeta irundarrak sinatzen ditu. Gainera, Jose Luis Trekuk azaltzen duenez, «beste irundar batek jarri dio musika» pieza honi, Oskarbiko kidea den Gontzal Iñarra, hain zuzen ere.

Hiriarekiko lotura ez da hemen amaitzen: beste irundar baten kolaborazioa izango du Oskarbik igandeko kontzertuan, Iñaki Etxepare musikariarena. Honek biolontxeloarekin lagunduko du eskainiko den programaren pieza batean. «Diska berriko abesti bat da eta, hau ere, zuzenean lehenengo aldiz abestuko dugu igandean», azaltzen du Jose Luis Trekuk.

Oskarbi talde gipuzkoarra 1966an sortu zen. Jazza, gospela eta doinu berritzaileak euskal tradizioarekin uztartzen dituen estiloa jorratzen du. Taldekide desberdinak izan ditu sorreratik eta hamabi diska argitaratu ditu.