Irungo udal Musika eta Dantza Eskolako ikasleek ikasturte amaierako ikuskizuna prestatu dute larunbat honetarako (hilak 8). Hain zuzen, ballet jaialdi bat da eskainiko dutena eta Amaia KZn izango da. Bi saio dira, lehena goizeko 11:3ean eta bestea 18:00etan.
Irungo Musika eta Dantza Eskolako ikasleak izango dira protagonistak, eta Ederra eta piztiaren istorioa antzeztuko dute. Adin guztietako ehun dantzari inguruk ikasturte honetan Sonia del Barrio ballet irakaslearekin ikasitako guztia erakusteko parada izango dute.
Ikuskizunerako sarrerak ikasleen artean banatu dira, eta soberan geratu direnak eskuragarri daude Luis Marianoko turismo-bulegoan, interesa dutenentzat.