Irun eta Hondarribiko aberastasun naturala eta kulturala nabarmentzeko helburuarekin, hiru bideo grabatu ditu Bidasoa Bizirikek, drone bidez.
Nuria Alzaga Bidasoa Bizirikeko presidentearen arabera, “argazkietan ikusten ez den ikusgarritasuna” lortu nahi izan duten txori baten bistatik. Bideo horiek Bidasoa Bizirikeko sare sozialetan zabalduko dituzte, eta hainbat ekitaldi turistikoetan erabili.
Bi hirietako leku adierazgarriak bildu dituzte, hala nola, Txingudiko padurak, Aiako Harria Parke Naturala, San Martzial Ermita, Irugurutzetako Labeak, eta Jaizkibel eta Guadalupe.
Guztira, hiru bideo dira. Horietako bik Irungo eta Hondarribiko eremu eta paisaia ezberdinak erakusten dituzte, hurrenez hurren, eta hirugarrenak bi hirietako irudiak batzen ditu. Alde batetik, Irun ageri denean, bertako “bizitza bizia” eta berdeguneak erakutsi dituzte. “Hiri honetako modernitatearen eta tradizioaren arteko konbinazio bikaina nabarmentzen da”.
Beste aldetik, Hondarribiko bideoan hiriko kultura ondarea eta baliabide naturalak nabarmendu dituzte. Airetik ikusita, Alde Zaharraren handitasuna eta inguru naturalen lasaitasuna ikus daitezke.