Babesleku klimatikoetarako EAJren 15.000 euroko zuzenketa adostuta |
|
|
|
Administrator-k idatzia
|
Osteguna, 2024(e)ko urtarrila(r)en 18-(e)an 22:33etan |
Euskaratzeko lanean ari gara.
Noticia publicada en Bidasoko Hitza, el jueves día 18 de Enero de 2024.
Babesleku klimatikoetarako EAJren 15.000 euroko zuzenketa adostuta
Aterpe Klimatikoen azterketa bat osatzea da asmoa, Irunen topa daitezkeen bero irletan, bereziki, lorategiak eta zuhaitzak landatzeko.
![](https://bidasoa.hitza.eus/site/files/2024/01/iridoy-alvarez-aldaketa-klimatikoa-1200x732.jpg)
Udal gobernuak EAJren babesarekin lortu zuen 2024ko “aurrekontu historikoak” onartzea eta trukean hainbat zuzenketa adostu zituzten. Bide horretan, babesleku klimatikoak sortzeko 15.000 euroko zuzenketa txertatu zuten jeltzaleek.
Aterpe Klimatikoen azterketa bat osatzea da asmoa, Irunen topa daitezkeen bero irletan, bereziki, lorategiak eta zuhaitzak landatzeko. Babesleku klimatikoak itzalaz eta ur freskoaz gozatzeko guneak dira eta baita ere erosotasun termikoa dutenak, herritarrei “lasai eta atsegin” egoteko baldintzak eskaintzen dituen natur guneak dira.
Gaur egun identifika daitezkeen aterpe klimatikoak “epe laburreko irtenbide” direla azaldu du EAJk eta, horregatik, Irungo hainbat gune hozteko eta klima aldaketara egokitzeko estrategiak ezartzea proposatu dute. “Adibidez, espazioak birnaturalizatuz” gaineratu dute.
Aldaketa klimatikoari aurre egiteko EAJk proposatu dituen planteamendu guztiak “erantzun tinko bat eman eta gure hiria prestatzen hastea” dutela helburu diote. Era berean, proposamen horiek, Eusko Jaurlaritzak 2019ko uztailaren 30ean formalki adierazi zuen atalaren parte dira, hau da, klima eta ingurumen larrialdi egoeran.
Udal kudeaketak parte “aktiboa” behar duela izan diote, “betiere erakunde bakoitzak dituen eskumenak kontuan hartuta eta errespetatuta”. Datu batzuk eman dituzte, esaterako, 1,5etik 3,5 zentimetrora igo dela itsasoaren maila AZTIren arabera eta “horrek zuzenean eragiten dio Iruni”.
Hala, klima aldaketak datozen urteetako aurrekontuetan eta udal ekintzetan islatuta egon behar dutela uste du EAJk. “Hau izan da gure asmoa, eta lortu ere lortu dugu. Urrats txikiak gaur… biharko konponbide handiak”.
|
Lurraldebusek zerbitzua hobetuko du Oarsoaldean eta Bidasoan |
|
|
|
Administrator-k idatzia
|
Osteguna, 2024(e)ko urtarrila(r)en 18-(e)an 00:27etan |
Euskaratzeko lanean ari gara.
Noticia publicada en Bidasoko Hitza, el miércoles día 17 de Enero de 2024.
Lurraldebusek zerbitzua hobetuko du Oarsoaldean eta Bidasoan
Azahara Dominguez diputatuak sei alkateei aurkeztutakoaren arabera, ordutegiak zabaldu, ibilbide batzuk zuzendu eta maiztasunak hobetuko dira, herritarren "benetako beharrei" erantzuteko.
![](https://bidasoa.hitza.eus/site/files/2024/01/mugikortasuna.jpeg)
Lurraldebusek Oarsoaldea eta Bidasoa eskualdeetan ematen duen zerbitzua aldatuko du herritarrek dituzten “benetako beharrei” erantzuteko. Azahara Dominguez Gipuzkoako Foru Aldundiko Mugikortasuneko, Turismoko eta Lurralde Antolaketako diputatua Irungo, Hondarribiko, Errenteria-Oreretako, Lezoko, Oiartzungo eta Pasaiako alkateekin bildu zen astelehenean, Luraldebusen zerbitzu proiektu aldatua azaltzeko.
Bilera “sintonia onean” joan eta “eraikitzailea” izan zela adierazi du aldundiak. Dominguezek aurkeztutakoaren arabera, proiektu berriak 196,5 milioi euroko aurrekontua izango du datozen hamar urteetarako. Proiektu horrekin, gainera, Lurraldebusen zerbitzua “nabarmen hobetuko” dela baietsi zuen diputatuak; izan ere, ordutegiak zabaldu, ibilbide batzuk zuzendu eta maiztasunak hobetuko direla jakinarazi zuen Dominguezek, herritarrek dituzten “benetako beharrei” erantzuteko.
Honakoak dira proiektu berriak aurreikusten dituen hobekuntza orokorretako batzuk. Udalerri guztiek jaso ahal izango dituzte onura horiek:
- Ordutegien luzapena. Eguneko zerbitzua goizeko 05:00-05:30etik gaueko 22:30-22:55era luzatuko da. Aldaketa horrek beste linea batzuetara aldatzea eta garraioa hobetzea erraztuko du.
- Larunbat, igande eta jaiegunetan ia 24 orduko zerbitzua emango da, eguneko zerbitzuek gaueko zerbitzuekin jarraituko baitute.
- Ospitaleekin, Policlinicarekin, Miramongo Parke Teknologikoarekin eta Ibaetako EHUko campusarekin eguneroko konexioak ezarriko dira, zerbitzuak langile eta ikasleen sarrera eta irteera ordutegietara egokituz.
- Donostiako autobus geltokitik ateratzen diren ibilbide luzeko lineekin lotzeko ordutegiak egokituko dira.
- Edukiera handiagoko ibilgailuak erabiliko dira. 64 autobus izatetik 57 izatera pasa arren, plaza kopurua 3.266tik 5.300era igoko da.
- Irun eta Hondarribia Donostiarekin duten loturetan, gehienez 30 minutuko maiztasuna bermatuko da.
Hobekuntza espezifikoak
Era berean, aldundiak zenbait “hobekuntza espezifiko” aurreikusi ditu udalerrietarako. Hondarribian, esaterako, linea zuzen bat sortuko du Donostia eta aireportuaren artean. Aldaketa horrek “ibilbide denborak hobetuko” dituela nabarmendu dute, zerbitzua linearen buru izateari utziko baitio. Horrez gain, maletentzako lekua duten ibilgailu bereziekin emango da zerbitzu hori. Loiolako Erriberatik sartzen den linea ere berreskuratuko da, “ibilbidearen denborak hobetuz”.
Aldundiaren arabera, Errenteria-Orereta eta Donostiaren arteko zerbitzua “modu eraginkorrean” berrantolatuko da. Horrela, lineen koordinazioa “hobetu”, igarotze tarteak “homogeneizatu” eta Beraun auzoari “zerbitzu hobea” emango zaiola jakinarazi dute, ospitaleen eremuarekin lotura espezifikoak eginez.
Pasaiaren kasuan, geltoki berri bat sortuko dute Pasai Antxoko ekialdean, ospitaleekin konektatuta egongo dena. Trintxerpeko goiko aldean, gainera, ibilgailu “berezi” bat egongo da, zerbitzu gehiagorekin.
Dominguezek adierazi du Lurraldebusen zerbitzu aldaketak “erabiltzaileen beharrei erantzun hobea” emateko sartu direla: “Mugikortasun Departamentuan garraio publikoko sistema jasangarri, seguru eta eraginkor baten aldeko apustua egiten dugu, herritarren beharrei erantzungo diena, gipuzkoarrek autobusean alternatiba erosoa eta segurua ikus dezaten eguneroko joan-etorrietarako. Horrela, Gipuzkoa ingurumenaren aldetik jasangarriagoa den lurraldea bihurtzen laguntzen dugu, baina baita gizarte arloan bidezkoagoa ere; izan ere, dagoen eskariari egokitzen zaion eta etorkizuneko beharrei aurrea hartzen dien garraio sistema izateaz gain, hobari sistema bat ere badu, Mugi, gure herrialdean erreferente dena”.
|
|
Irun activa una campaña para recabar datos sobre eficiencia energética |
|
|
|
Administrator-k idatzia
|
Asteazkena, 2024(e)ko urtarrila(r)en 17-(e)an 23:56etan |
Euskaratzeko lanean ari gara.
Noticia publicada en Diario Noticias de Gipuzkoa, el miércoles día 17 de Enero de 2024.
Irun activa una campaña para recabar datos sobre eficiencia energética
Diez agentes contratados por el Ayuntamiento realizarán las próximas semanas encuestas a pie de calle
Ania M.Seisdedos
17·01·24 | 04:45 | Actualizado a las 09:23
Borja Olazabal y Miguel Ángel Páez, junto a dos agentes. A.I
El Ayuntamiento de Irun ha puesto en marcha una nueva iniciativa consistente en realizar encuestas a pie de calle, de cara a recabar información sobre el consumo energético y los hábitos en ese ámbito por parte de la ciudadanía. Será una tarea que realizarán diez agentes de regeneración urbana, que forman parte de un programa de inserción laboral del Consistorio, subvencionado por el Departamento de Trabajo y Empleo del Gobierno Vasco.
Dicho programa comenzó en noviembre y tendrá un año de duración. Los agentes han sido contratados por el Ayuntamiento para realizar diversas tareas de recogida de información y sensibilización, relacionadas con el Proyecto de Regeneración Urbana Vía Irun, así como con asuntos que tienen que ver con la movilidad y la sostenibilidad.
De esta manera, durante las próximas semanas los agentes se dedicarán a realizar encuestas sobre cuestiones como el consumo y el gasto de energía en los hogares, las facturas energéticas, la eficiencia energética o el conocimiento sobre energías renovables, y lo harán en los entornos de San Juan, Ensanche y Pío XII. Asimismo, se encargarán de repartir folletos a la ciudadanía, para dar a conocer los recursos y servicios de asesoramiento que ofrece el Ayuntamiento en materia de eficiencia energétic
|
Tren geltoki berria 2025erako bukatzea aurreikusi dute |
|
|
|
Administrator-k idatzia
|
Asteartea, 2024(e)ko urtarrila(r)en 16-(e)an 23:10etan |
Euskaratzeko lanean ari gara.
Noticia publicada en Bidasoko Hitza , el viernes día 12 de Enero de 2024.
Tren geltoki berria 2025erako bukatzea aurreikusi dute
Gaur eraitsi dute 60 urteko tren geltokia eta gaur hasi dituzte nazioarteko tren geltokiaren obrak. Era berean, Kateako bi zubiak eraitsiko dituzte eta auzoak bitan banatuta egoteari uzteko bidea hasiko dute.
![](https://bidasoa.hitza.eus/site/files/2024/01/whatsapp-image-2024-01-12-at-10-20-47-1200x900.jpeg)
Gaur goizean eraitsi dute 60 urte zituen Irungo aldirietako tren geltokia eta bertan izan dira Cristina Laborda alkatea eta Jose Antonio Santano Garraio eta Mugikortasun Jasangarriko idazkaria, besteak beste. Izan ere, eraistearekin batera eraikitze berri batekin hasi dira: Irungo nazioarteko tren eta autobus geltoki berria.
Aurrekontua 65, 3 milioi eurokoa da, Irungo historiako inbertsio publiko garrantzitsuena. Tren geltoki berria eraikitzeko ez ezik, trenbideko hondartza berrantolatzeko eta nasak zabaltzeko baliatuko dute dirua. Estazioak, gainera, eguzki energia biltzeko sistema bat izango du estalkian, 180 panel fotovoltaikok osatua.
Etorkizuneko nazioarteko tren geltokiak zubi gisa balioko du ere eta hamar trenbideren gainetik eraikiko dute. Eraikinaren mendebaldeko muturrean hiriarekin lotura izango du, sortuko duten plaza berri bati esker.
Geltokiak hiru maila izango ditu:
- Behe kaleko solairua, eraikinerako sarbide nagusia bertan izango da. Atari bat eta komunikazio nukleoak (eskailera finkoak, mekanikoak eta igogailua), bideen gainean dagoen atari nagusirantz.
- Solairuartean bulegoak egongo dira.
- Lehenengo solairuan distantzia ertain, luze eta nazioarteko bidaietako trenen ontziratze gunea izango da. Horretarako kutxa forma duten eraikin batean sarbide kontrolak egongo dira eta laguntzeko zerbitzuak eskainiko dituzte, besteak beste. Mutur batetik bestera zeharkatuko da ataria.
Bestalde, lanak hasi aurretik zeuden aldirietako trenen zerbitzua berreskuratuko dela baieztatu Santanok.
Katea auzoa “berritzeko aukera”
Abiadura Handiko Trenagatik Katea auzoko Errotazar eta Teileriako zubia (Aranibar eta Katea batzen dituena) bota egingo dituzte 2024 urte erdialdean eta, aldi berean, Elizatxo hiribidea oinezkoentzako eta bizikletentzako pasabidea eraikiko dute. Labordak adierazi du “Katea auzoa berritzeko aukera” izango dela honakoa, auzoak bitan banatuta egoteari utziko baitio. Izan ere, atzo azaldu zuen alkateak Andrearriaga kaleko harresia botako dutela ere.
![](https://bidasoa.hitza.eus/site/files/2023/11/pasarela-2-500x284.jpg)
|
|