Marearen igoerarengatik eta prezipitazioengatik Bidasoa ibaiak gainezka egin dezake asteburuan. Egoera hori aurreikusi du Udaltzaingoak, batez ere Stadium Galetik Behobiara bidean dagoen bidegorri inguruan. Hala, prebentzio neurriak hartu dituzte gainezkatze horien balizko eraginak murrizteko.
Udaltzaingoak honako neurri hauek iragarri ditu:
- Stadium Galeko aparkalekua hustutzea.
- Ura sar daitekeen eremuetan lurreko zakuak kokatzea.
Real Union ibilbideko bidegorria eta Pierre Lhande ibilbideko bidegorriak ixtea. - Uhateak Behobia inguruan kokatzea.
Mareen ondorioak bihar gauetik, hilak 10, astelehen-astearte arratsaldera, hilak 13, arte aurreikusten dira. Udaltzaingoak iragarri du egoeraren bilakaeraren etengabeko jarraipena egingo duela, Herritarren Segurtasuna bermatuko duten erabakiak hartu ahal izateko.
Azken uholdeak Behobian izan ziren 2021eko abenduan. Auzorako sarrera itxi behar izan zuten Irundik, etxeetara ura sartu zen eta uholde txikiak izan ziren.