Irungo Udalak hiru pertsonentzako urtebeteko lanpostuen berri eman du. 30 urtetik beherakoentzako dira eskaintzak eta pertsonak kontratatzeko gazteen enplegua sustatzeko programaren barruan daude. Lan eskaintza hauek galdegin ahal izateko Gazte Bermearen sistemako fitxategian inskribatuta egon behar dela azaldu du udalak.
Lanpostuetara jota, zerga kudeaketako administrari, tokiko gazte talentuari laguntzeko erdi mailako teknikari, eta kultur proiektuetako erdi mailako teknikari postuak dira eskaintzen ari direnak. Postu bakoitzaren gaineko xehetasunak udalaren orrialdeko Gazteartean atalean daude.