Santiagoko Deabruak Kultur Elkarteak prest du aurtengo Beldur Pasabidea ikuskizuna. Hiru urteko geldialdiaren ondoren, “ideia berriekin eta formatu desberdin samarrarekin” itzuliko dira formatuaren XVI. ekitaldiari ekiteko. Aurtengo saioa La Monja filmean oinarritutako pasabidea da, eta aktoreek ikusleei beldurra emango dietela aurreratu dute.
Beldur Pasabideak Ficoba hartuko du larunbat honetan, hilak 21, 17:00etatik 21:30era. Erakustazokako aparkalekua doakoa dela eta topoko geltokia Ficobaren ondoan dagoela gogorarazi dute Santiagoko Deabruek.
Sarrerak Luis Marianoko turismo bulegoan eskura daitezke, 17:00etatik 19:00etara, 3,50 euroko prezioan. Ikuskizunaren egunean bertan ere erosi ahal izango dira sarrerak, 16:45etik aurrera.
Zalantzak 648 02 85 90 eta 623 46 11 58 telefono zenbakietan edo Esta dirección electrónica esta protegida contra spam bots. Necesita activar JavaScript para visualizarla argituko dituzte.