“Harro herri honetan badago harrobia, indartsua oso”
Bizitza oso bat eman du Irungo AEK-ko irakasle bezala. Ostegunerako irrikaz da, aurtengoa «ahaztezina» izango dela ziur da. «Aldarrikapen eta festa egun biribila» izango dela dio.
Aurtengoa 40. ikasturtea duzu AEKn irakasle bezala. Begirada atzera botata, nolako bilakaera izan du AEK-k? Egia esan hainbeste urte pasa dira, ez dudala pentsatzeko tartetik atera ere. Azkar pasatu dira urte hauek guztiak, eta orain konturatzen naiz zein talde sendoa dagoen gaur egun. Gazte hauek ikustea nola mugitzen diren, zer martxa duten, nola antolatzen duten… Zer sentitzen dudan? Lasaitasuna. AEKn hasi nintzenetik pixkanaka-pixkanaka egunak, hilabeteak eta urteak pasatu dira eta honaino ailegatu gara. Eta orain ikusten dut, lekukoa tartean dugun honetan, transmisio hori bermatuta dagoela, eta ongi bermatuta gainera. Eta horrek sekulako poza emateaz gainera, lasaitua ere ematen du. Denok dakigu AEK ez zela sortu ez dakit zenbat urtetan irauteko asmotan. Izan ere, AEK proiektua bera ere desagertzeko asmotan sortu zen. Eta momentuz, horretan segitu beharra dugu.
Beraz, ezinbesteko izaten jarraitzen du AEK-k gaur egun ere. Tamalez bai. Baina zorionez talde sendoa dugu. Harro nago, batez ere AEKn eta inguruan dagoen jendearekin. Harrobia badago zorionez, harro herri honetan harrobia badago, indartsua oso. Eta noski, hori egunez egun erakusten ari dira. Lanean ari dira inurriak bezain indartsu, isil-isilik, gauza guztiak prestatzen. Hilaren 14rako dena prest dute. Dena zoragarri ateratzen ari da. Beraz, horrek esan nahi du talde ona dugula, etorkizuna izango duena ziur.
1980ko hamarkadako AEK, eta oraingoa. Asko aldatu da? Uste dut dinamikak ez direla asko aldatu, kontua da orain ja profesionalizatu egin dela nolabait. Ni hasi nintzenean AEK izaera hartzen ari zen. Jende asko gau eskolatik zetorren, eta haiek beste ofizio batzuk zituzten. Pixkanaka profesionalizatzen joan ginen, gaur egun AEK dena egituratzen hasi ginen. Tipologia eta helburua pixka bat aldatu direla esango nuke. Esan nahi dut, garai hartan jendea euskalduntzera edo berreuskalduntzera etortzen zen gehienbat. Orduko egoera oso ezberdina zen, noski. Eta gaur egun, badago euskalduntzera datorren jendea baina badago tituluen presio hori, euskarazko tituluak eskuratzekoa. Baina hortik harago, zorionez, ikusi dut AEKra etortzen den jendeak ikusten duela euskararen bitartez oso mundu zabala irekitzen zaiela. Orduan, ez da horretara mugatu behar. Hau ez da lasterketa bat, eta C1 edo C2 ateratzeko buru-belarri aritzea bakarrik. Prozesua gozatu behar da, hizkuntza ezagutu, mamitu eta maitatu. Garai batean esaten zen euskara ez zela maitatu behar, hitz egin behar zela baizik, eta gaur egun ikusten dut maitatu ere egin behar dela, eta pixka bat zaindu.
Borroka luze eta gogorra izan duzue AEK-ko kideek, hortaz. Lehen urteak, zailak ez dakit, baina borroka egiteko urteak izan ziren, bai. 17 urterekin hasi nintzen AEKn, pentsa. Alfabetatze maila egiten hasi nintzen. Sekulako giroa zegoen garai hartan, eta Irun oso bizia zen alor askotan, musikan esaterako. Zorionez, orduan izan genituen gerora musikari handiak izango zirenak AEKtik gertu. Euskaldundu egin ziren talde asko, hor izan genituen, besteak beste, Antiregimen, Vomito edo Kortatu. AEK izan zen ikaragarrizko mundu bat zabaltzea jende askorentzako. Haize freskoa ekarri zuen AEK-k, erabatekoa. Eta esan bezala, erreferentzia berri asko ekarri zituen. Askotan ematen zuelako euskara, bertsolaritza bezala, zaharren kontua zela, edo nolabait etxean gorde beharrekoa, ikastolan erabili beharrekoa, baina bestelako kontuetarako ez. Gaur egun beharbada aldatu egin da hori. Lehen musika, esaterako, hizkuntza jakin batean entzun behar zen, eta euskaraz bertsolaritza eta horrelakoak ziren bakarrik. Hertzainak taldeak berak esaten zuen: bertsolaria edo trikitilaria izan behar al duk euskalduna izateko? Hori guztia izan zen, haize freskoa, panorama berri baten aurrean jarri gintuelako. Ekosistema oso bat izan zen, egia esan. Eta gaur egun fruitu horiek ikusten dira. Gauzak aldatu dira, zorionez. Borroka luzea izan da, baina bilakaera handia izan du AEK-k eta euskarak. Bakoitzak bere alorretik erein egin du eta segitu du horretan, eta fruituak ikus daitezke gaur egun.
Korrika Irundik abiatzeak, zer suposatzen du hiriarentzako eta irundarrentzako? Jakin nuenean flipatu egin nuen, ez nuen espero. Gainera, kontuan hartu behar da orain arte herri txikietatik atera izan dela Korrika, biztanle kopuru jakin batetik beherako herrietatik abiatu da beti. Gureak begira zenbat biztanle dituen, eta zein dimentsioa duen Irunek. Iruditzen zait erdigune horretatik ertzetara ekartzea eta horrelako herri handietara ekartzea oso onuragarria izango dela guztiontzat, ez soilik irundarrentzat. Nik beti diot Euskal Herriaren bihotza dela Irun, oso leku estrategikoan bizi garelako. Oso pozik nago hemendik aterako delako, eta pentsatzen dut sekulakoa izango dela. Nire kideek esaten duten bezala, ahaztezina izango da ziur, argi dut hori.
Furgonetaren zain egon beharrean, arrankada bizituko duzue datorren astean. Une magikorako prest zaudete? Oso berezia izango da, beste modu batera biziko baitugu, lehen aldiz gainera. Festa egun handia izango da, goiz-goizetik abiatuko duguna. Arratsaldean abiatuko da Korrika San Juan plazatik. Espero dugu jende asko etortzea. Egun osoko ekitaldiak izango ditugu. Eta ezin ditugu ahantzi orain arte Korrikaren harira egindako guztiak. Kateako Korrika Eguna kolosala izan zen, Larreaundikoa ere mundiala izan zen. Aurreko asteburuan Santiagokoa egitekoa zen baina eguraldiagatik bertan behera utzi behar izan genuen. Baina Korrikaren harira Euskal Herriko Hitz Gurutzatuen Txapelketa egin genuen, Aitzondo Euskara Taldeak antolatuta. Eta asmoa da txapelketa honekin jarraitzea. Beraz, ikusi dugun bezala, Korrikak horretan ere eragiten du. Esan nahi dut, Korrika ez da egun bakarrekoa. Korrikak gauza asko aldarrikatzen ditu, eta horiei ikusgarritasuna emateko eta azalera ekartzeko ere bide polita da. Harrera Sarearekin egindako Hizkuntzak mugarik gabe ekitaldia ere ederra izan zen. Eta hor aldarria zein zen? Irregularki bizi direnek euskara edo bertako hizkuntza ikasteko erabateko eskubidea dutela. Beraz, borroka asko barnebiltzen ditu Korrikak, eta horregatik ere egitasmo oso garrantzitsua dela uste dut. Hemengo errealitateari ikusgarritasuna eman zaio Korrikari esker.
Korrika guztiak (edo ia guztiak) bizitu dituzu. Gogoan duzu lehenengoa? Ahaztezina izan zen. Nire lehenengo Korrika ederki gogoratzen dut. Ikastolako lagunekin joan nintzen, orduko kamiseta etxean dut oraindik gordeta. 14 bat urte izango nituen. Egun horretan esan nuen: baina zer da hau? Asko harritu ninduen. Ordutik anekdota asko gogoratzen ditut. Dena den, lehena balira bezala bizitzen ditut guztiak. Urduri nago, eta nahiago dut eguna iritsi arte ez pentsatu [barrez]. Irrikaz gaude denok.
Korrikaren agertoki nagusia Irun izateak irundarren artean zer nolako eragina izan dezakeela uste duzu? Korrika zalantzarik gabe pizgarri bat da, eta uste dut kontzientziatzeko baliagarria dela. Azken batean euskaraz bizitzea erabaki politikoa da. Euskaldunok erabakitzeko aukera dugu, erdaldunek ez bezala. 35.000 lagunetik gora euskaldunak dira Irunen, beraz, asko dira euskaraz egiteko hautua egin dezaketenak. Ez dut zama guztia euskaldunon gain utzi nahi, baina uste dut ardura handia dugula. Erabaki politikoa den heinean, zorioneko gara euskara eta gaztelania gutxienez baditugulako. Administrazioek, noski, ardura dute, haien ardura da Euskal Herrian bertako hizkuntza denez, euskaraz egiteko berme guztiak jartzea, baina hori iristen zaigun bitartean oso bide luze eta nekeza dugu aurretik. 35.000 lagun horiek hautatu beharko dute nola bizi nahi duten. Kontzientzia iristen da momentu jakin batean, eta horretarako erreferentziak beharrezkoak dira. Eta erreferentziak behar ditugu arlo guztietan, bai musikan, literaturan, hedabideetan… Eta Korrika ere izan daiteke erreferentzia bat kontzientzia hori lortzeko. Beraz, herritar oro animatu nahi dut hilaren 14ko aldarrikapen eta festa handira, egun biribila izango baita
Badator Per Tutti musika astea
Escrito por Administrator
Martes, 12 de Marzo de 2024 23:05
Noticia publicada en Bidasoko Hitza,el martes día 12 de Marzo de 2024.
Badator Per Tutti musika astea
Heldu eta gazteentzako doako musika tailerrak eskainiko dituzte Udal Kontserbatorio eta Musika eskolan datorren hilaren 18tik 23ra.
Irun Udal Kontserbatorio, Musika eta Dantza Eskola aste betez murgiltzear da Per Tutti musika astearen II. edizioan. Izan ere, datorren hilaren 18tik 23ra izango da, eta zikloaren aurkezpena egiteko agerraldia egin dute gaur Nuria Alzaga Hezkuntza zinegotziak eta Amaya Lizeaga Irungo Udal Kontserbatorioko eta Musika eta Dantza eskolako zuzendaria.
Heldu eta gazteei begirako musika zikloa da datorrena eta doako musika proposamenak dira guztiak, hala nola, perkusio tailer bat, trikitia eta panderoa jotzen ikasteko eskolak edota helduen entzunaldi bat. “Zalantzarik gabe soinu hoberena duen plana Irunen dago” adierazi du Alzagak.
Todo listo para el pistoletazo de salida de la Korrika en Irun
Escrito por Administrator
Lunes, 11 de Marzo de 2024 23:18
Noticia emitida y publicada en Radio Irun-Cadena SER, el lunes día 11 de Marzo de 2024.
Todo listo para el pistoletazo de salida de la Korrika en Irun
La vigésimotercera edición partirá de Irun a las cuatro de la tarde, pero jóvenes y mayores podrán disfrutar de diversas actividades que se organizarán desde primera hora de la mañana
Beñat Alzaga, director Bidasoako AEK - Normalización del euskera
Bajo el lema "Harro Herri", la 23ª Korrika tiene todo preparado para dar el pistoletazo de salido desde Irun, este jueves 14. Así lo han comunicado Nuria Alzaga, delegada de Euskera y Cultura del Ayuntamiento de Irun, junto a los responsables de AEK de Irun ,Maddi Sanz y Beñat Alzaga.
Con motivo del arranque del acto en la localidad fronteriza, la ciudadanía ha tenido ocasión de disfrutar de las diferentes actividades que se han organizado desde el pasado mes de enero, como el concierto de ópera «Badon Opera Postdramatikoa» y el programa de actividades de la Korrika cultural. Entre esas actividades se encuentran «Larreaundiko Korrika Eguna», «Landetxako Korrika Eguna», «Erromeri Ibiltaria» y «Hitz Gurutzatuak Lehiaketa».
Una gama de actividades que han tratado de garantizar el ambiente festivo y que espera prolongarse hasta el gran día. Así, la programación del jueves arrancará por la mañana y estará compuesta por un amplio programa de actividades desde por la mañana, para disfrute de todos.
"Aunque la Korrika arrancará por la tarde, la fiesta se adueñará de la ciudad desde primera hora de la mañana. Podremos disfrutar de la Korrika gaztea, del bertso-poteo o del concierto de Esne Beltza, entre otras actividades. No me cabe duda de que será un día memorable», afirma la delegada de Esukera.
La presentación de la Korrika será a las 15.30 horas en la plaza San Juan, tras lo cual arrancará la marcha a favor del euskera. A las 16.10, aproximadamente, la alcaldesa de Irun Cristina Laborda cogerá el testigo en el nº 8 de la calle Vega de Eguzkitza y lo llevará hasta el nº2 de la calle Iñigo de Loyola. En ese punto la alcaldesa entregará el testigo a los miembros de la asociación de vecinos de Larreaundi-Olaberria, y la Korrika continuará en su recorrido rumbo a Hondarribia.
Además, los iruneses tendrán una amplia oferta de ocio durante la tarde, ya que además de la marcha de la Korrika, tendremos a Burrunba Elektrotxaranga y el concierto de Esne Beltza así como la actuación de Bad Sound eta Lagunak.
Afecciones al tráfico por la Korrika
En relación a la Korrika Gaztea, las afecciones al tráfico están previstas de 11.00 a 13.30 aproximadamente:
-A partir de las 10.45: Cierre de la avenida Letxunborro desde la rotonda de Gibeanaka y calle Hondarribia.
-A partir de las 10.50: Cierre del paseo Colón en dirección Hondarribia, desde Francisco de Gainza.
-A partir de las 11.00 se iniciará la actividad con el siguiente recorrido: Zubimuxu - Calle Hondarribia - Zubiaurre - Estación - Paseo Colón - Avenida Gipuzkoa - Paseo Colón - Fueros - Mayor - San Juan - Iglesia - Avenida Navarra - Paseo Colón - Plaza del Ensanche.
Con respecto a la Korrika Oficial, las afecciones tendrán lugar de 15:50 a 17:30 aproximadamente:
-A partir de las 15.50 se cerrará la avenida Letxunborro, desde la rotonda de Gibeanaka y la calle Hondarribia, de 16:00 a 16:25, momento en el que se dará inicio a la actividad, con el siguiente recorrido: Plaza San Juan - Avenida Navarra - Dunboa - Uranzu - Plaza Urdanibia - Vega de Eguzkitza - Avenida Euskal Herria - Avenida Navarra - Paseo Colón - Calle Hondarribia - Zubimuxu - entrada en Hondarribia.
-A partir de las 17.00 se cerrará el acceso a la ciudad por la rotonda de Zubimuxu.
-Desde las 17.05 con el regreso de la Korrika a Irun se cortará el tráfico en las siguientes calles: Zubimuxu - Hondarribia - Zubiaurre - Estación - Paseo Colón - Jacobo Arbelaitz - Cipriano Larrañaga - República Argentina - Iparralde - Puente internacional de Santiago.
En ambos casos, el Ayuntamiento señala que el tráfico se cortará de manera puntual a medida que avance la actividad, y se volverá a abrir tan pronto como sea posible, garantizando siempre la seguridad de los viandantes.
Irun, Korrika hasteko prest!
Escrito por Administrator
Lunes, 11 de Marzo de 2024 23:12
Noticia publicada en Diario Noticias de Gipuzkoa, el lunes día 11 de Marzo de 2024.
Irun, Korrika hasteko prest!
Ostegunean, martxoaren 14an, hasiko den Korrikaren 23.edizioaren irekiera festaren nondik norakoak azaldu dituzte gaur Irungo San Juan plazan eginiko agerraldian.
Korrikaren 23.edizioa hasteko 4 egunen faltan, astelehen honetan aurkeztu dute ostegunean ekimenari hasiera emateko asmoz AEK-ak antolatu duen festa. Gipuzkoan Korrika egitasmoaren arduraduna den Xabier Artolarekin batera izan dira Bidasoako AEK-ko zuzendari den Beñat Alzaga eta osteguneko festaren arduraduna den Maddi Sanz Irungo San Juan plazako Udaletxe atarian egin duten ekitaldia. Bertan, lehen eguneko festaren nondik norakoak azaltzeaz gain, aurtengoan ere parte hartzeko deialdia luzatu nahi izan dute antolatzaileek. Aurkezpen prentsaurrekoarekin bukatzeko, ostegunerako aurreikusita dagoen eguraldi gorabeheratsuari aipamena eginez, hauexek izan dira Beñat Alzagaren hitzak: “Gogoratu, ez da eguraldi txarrik, arropa deserosoa baizik!”.
Goizeko saioan hitza hartzen lehena Xabier Artola izan da, eta, berriz ere, azken Korrika arrakastatsuaren bide beretik segi eta AEK-ren helburua “Euskal Herria osatzen duten 7 herrialdeetan zehar herri aldarri alai eta irmoa” egitea dela baieztatu du. Gogoratu nahi izan du ere, egun “gure hizkuntzaren aurkako oldarraldia ere bizitzen ari garela”, eta horren aurrean “mobilizatu behar dugula”. 23. edizio hau Irunen hastea, Gipuzkoako arduradunaren hitzetan, ez da nolanahiko erabakia izan. “Irun, biztanle kopuruari dagokionez, Gipuzkoako bigarren udalerria da, baina euskararekiko dagokionez, egoera oso desberdina da. Euskal hiztun kopurua nahiko baxua da hemen, eta egoera horri buelta emateko lehen pausuak egin nahiko genituzke Korrikaren laguntzaz”, azaldu du. Esan bezala, ostegunean, 16.00etatik aurrera emango ditu Korrikak 23.edizio honen lehen urratsak. Bada, ostegunean, antolakuntzak Bidasoako eskualdean euskararen alde lan egiten dutenen horiengan jarriko du azpimarra. Hori horrela, lehen kilometroan Bidasoko AEK euskaltegiko 11 irakaslek eramango dute lekukoa.
Euskaltegiko zuzendaria den Beñat Alzagak ere hartu du hitza aurkezpenean, eta, honen hitzetan, “lehen kilometro horrek islatuko du, alde batetik, euskaraz bizitzeko kemena; bestetik, Korrikak hauspo izan nahi duela Irunen euskalduntze-lanak tinko aurrera egiteko”. Ostegunean 15.30etan hasiko den ekitaldiaren gaineko xehetasunak azaldu ditu Alzagak. San Juan plazan bertan lehertuko da festa, eta bertaratuei hainbat mezu helarazteko helburua izango du antolakuntza taldeak. Lehena, “harro herri leloak azpimarratzen duen moduan, komunitatearen indarra” nabarmendu nahi dituzte Bidasoako euskaltegiko kideek. “Euskararen normalizazioan aurrera egiteko eskuz esku lankidetzan aritzea”, ezinbestekoa dela aipatuta, oraindik ere “aurretik lan ikaragarri” dutela ere nabarmendu nahi dute osteguneko saioan, Alzagak adierazi duenez.
Ekitaldiari hasiera emateko Korrikaren arduraduna den Ane Elordik hartuko du hitza. Harekin batera, Haize Otañok eta Beñat Alzagak ere izango dute hitz batzuk egiteko tartea. Era berean, “ohiko formatutik ateratzen den ekitaldia” izango dela nabarmendu nahi izan du Bidasoako zuzendariak. Xehetasun gehiagorik ez du eman ordez. “Gehiago jakin nahi baduzue, azaldu. Ederra izango da”, esanez amaitu du.
Osteguneko ekitaldiak
Prentsa aurrekoan hitza hartzen azkena Irungo AEK-ko kide eta lehen eguneko festaren arduraduna den Maddi Sanz izan da, eta ostegunerako nondik norakoak azaltzeko baliotu du bere tartea, “eragile ezberdinei emandako laguntza” eskertu ondoren. Goizean goizetik hasiko da festa, eta egitarau oparoa izango da egun guztian zehar udalerriko hainbat tokitan. 11.00etan hasiko da festa, Mendelutik gazte Korrika abiatuko baita orduan. DBHko ikasleek hartuko dute parte gazte korrika horretan. 11.30etan berriz, Urdanibia plazaren ondoan, Euskal Herriko artisauen azoka hasiko da, eta 19.00ak bitartean izango dira postuak zabalik. Bestalde, 11.30etan ere, Almudena Grandes plazan, Muxikoak izeneko emanaldia izango da. 12.30etan San Juan plazaren inguruko tabernetan Bertso eta Trikipoteoaren txanda izango da.
15.30etan, Beñat Alzagak azaldu duen moduan, ekitaldi nagusia egingo dute, eta 16.00etan emango ditu Korrikak lehen urratsak. Lekukoa Irundik atera ondoren, 17.30etan lehertuko da festa Urdanibia plazan. Burrunbaelektro txarangak, Esne Beltza taldeak eta Bad Sound-ek girotuko dute festa, eta jana eta edaria ez dira faltako txosna gunean gauerdi artean. Prentsaurrekoarekin amaitzeko, Irunera heltzeko aukerak azaldu ditu Maddi Sanz-ek. Ohiko garraio publikoaren eskaintza zabalaz gain, Ficoba-ko aparkalekua zabalik izango da egun guztian zehar. “Ez dira gerturatzeko aukerak faltako, beraz”, gaineratu du Sanzek.
Festa berezia izateaz gain, “bidea ere oso berezia”, izaten ari dela gaineratu dute prentsaurrekoan izan diren 3 kideek. “Herriko eta inguruko euskaltzale guztiok topo egiteko egitasmoa izan da aurtengoa. Beti gogoratuko duguna. Animatu zaitezte, eta egun bikaina igaroko dugu ostegunean”, esanez amaitu dute gaurko ekitaldia.
Xabier Amurizatik, Mursegoraino: Korrikaren edizio guztietako abesti ofizialak
Escrito por Administrator
Lunes, 11 de Marzo de 2024 23:06
Noticia publicada en Diario Noticias de Gipuzkoa,el lunes día 11 de Marzo de 2024.
Xabier Amurizatik, Mursegoraino: Korrikaren edizio guztietako abesti ofizialak
Korrika bakarrik ez, lasterketarekin bat doan abestiek aldaketa nabarmena izan dute
Korrika bakarrik ez, edizioz edizio lagun izan duen soinu banda ere nabarmen aldatu da urteen poderioz. Lehen KorrikarakoXabier Amurizak txapalartaz lagundutako bertsoetatik hasita, azken edizio hau musikatzen duen Harro Herri Mursegoren abestiraino hamaika mundu doaz, musika-bidai ederra egiteko modukoa.
1. Korrika: Xabier Amuriza
1980an korritu zen ediziorako, urte hartan bertan Bertsolari Txapelketa Nagusiko txapeldun izango zen Xabier Amurizak prestatu zuen abestia. Gehiena a capella, hau da, instrumenturik gabe, momentu batean txalaparta entzun daiteke.
2. Korrika: Akelarre
Momentuan momentuko musikari taldeei atxikita egon den lasterketa dela erakutsi du Korrikak. Bere bigarren ediziorako, 1982koa, Akelarre talde entzutetsuaren eskutan utzi zuen ereserkia. Abesti hari ahotsa Anje Duhaldek jarrio zion.
3. Korrika: Egan
Baionan hasi eta Gabriel Arestiren omenez Bilbon amaitu zen edizioak Egan izan zuen musika-lanetan. Xabier Saldias izan zen, irrintzi tiroldarren artean, urte hartan korrikalariei animoak eman ziena "kilometroz kilometro, gure herriko bide guztiak nahiz korrika, nahiz geldixeago".
4. Korrika: Lontxo Aburuza
Doinu herrikoi batean oinarrituta (Oskorrik Arestiren letraz 'Bizkaiko aberatsak' abestian oso ezagun egin zuena), Lontxo Aburuza bertsolariak jarri zion soinu-banda 1985ko Korrikari.
5. Korrika: Oskorri
Bosgarren Korrika edizio berezia izan zen. Urte hartan ardura Oskorrirena izan zen, eta letra, aho-korapiloa dirudi: "Hi, bizi, bihurri, korrika, iturri, gurekin etorri, korrika, uztarri...".
6. Korrika: Xanti eta Maider
Xanti eta Maiderrek konposatu zuten edizio hartako abestia. Egun da Santimamiñe-ren doinua erabilita, hainbat bertso osatu zituzten 1989ko Korrikarako.
7. Korrika: Irigoien anaiak eta Mikel Erramuspe
Historian lehenengoz Iparralden amaitu behar zuen Korrikak Bidasoaz bestaldeko artistengan pentsatu zuen abestirako. Hain zuzen, Irigoien anaiek eta Mikel Erramuspek 'Korrika euskara, Euskaraz Euskal Herria' konposatu zuten, aurreko edizioko doinuekin aldaketa nabarmenean.
8. Korrika: Tapia eta Leturia
Juergasmoan askotan izan diren Tapia eta Leturia ezin ziren euskararen jaietako batetik at egon. Euren txanda 1993. urteko Korrikarekin iritsi zen, eta edizio hartarako Aide Korrika abestia sortu zuten.
9. Korrika: Maixa eta Ixiar, Alex Sardui, Kepa Junkera eta Gorka Sarriegi
15 urte baziren lehen Korrika ospatu zela, eta ordurako, antolakuntzak gaur egun ohikoagoak diren elkarlanen bidetik jo zuen. Maixa eta Ixiar, Alex Sardui (garai hartan, Exkixu; egun, Gatibu), Kepa Junkera eta Gorka Sarriegiren (Sorotan Bele) eskutik, Korrikak ganoraz bizitzeko deia luzatu zion Euskal Herriari.
10. Korrika: Gozategi
Trikiaren bidea arrakastatsua izan zen, eta funtzionatzen duenari eustea gomendatzen denez, Korrikak 1997ko soinu-banda Gozategiren esku utzi zuen. Edizio borobila zen, gainera, eta talde oriotarrak Euskal Herria Korrika konposatu zuen, egun ere entzuten dena han-hemenka...
11. Korrika: Joxe Ripiau
Korrikak beti bizi nahi izan du euskal musikari adi, eta 1999an ere horrela erakutsi zuen, urte hartako ereserkia Joxe Ripiau taldeari emanez. Iñigo Muguruza zenak sortutako taldeak lehenengoz erritmo jamaikarrak ekarri zituen herriz herri Euskal Herria zeharkatu behar zuen lasterketara.
12. Korrika: Fermin Muguruza
Muguruzatik, Muguruzara. Joxe Ripiau osatzen zuten Iñigo eta Jabier anaietatik, familiako bakarlari nazioartekorenera: Fermin Muguruza. Bigarrenez Baionan amaituko zen Korrika hark Irungo musikagileari eskatu zion mende berriko lehen ereserkia konposa zezan.
13. Korrika: Mikel Laboa eta Ruper Ordorika
Estiloa guztiz aldatu zen handik bi urtetara. Mikel Laboak eta Ruper Ordorikak Korrikak utzi dituen harribitxitako bat konposatu zuten, Gero bat gaurdanik, Mauletik Iruñeara igarotzeko. Igor Elortza bertsolariak jarri zion letra.
14. Korrika: Afrika Bibang
Ni ere bai abestiaren izenburuak beste aldaketa baten isla izan zitekeen: 2005ean izan zen lehenengoz Korrikaren abestia emakume batek bakarrik abestua izango zela. Afrika Bibang abeslari bizkaitarrak abestu zuen, 11. eta 12. Korriketako doinu afrikar eta karibearretatik hurbilago 13. Korrikakoetatik alderatuz.
15. Korrika: Niko Etxart eta El Drogas
Oilarrak esnatuta, Niko Etxart eta El Drogas jarri ziren 2007ko doinua abesten, Karrantzatik Iruñeara heltzeko, hain justu Heldu izan baitzen edizio hartako ereserkia.
16. Korrika: Betagarri
XXI. mendeko lehen hamarkada hamaieran arrakasta izan zuten metalezko haize bandetara hurbildu zen Korrika. Nagusietakoa Betagarri izan zen, eta Gasteizen amaituta, ez zegoen aukera hoberik lagun guztiei euskarara ongietorria emateko.
17. Korrika: Gose
Pausoz pauso euskalakari ibiltzea erabaki zuen urte hartako Korrikak, eta horretarako, musika elektronikoari ateak parez pare zabaltzea erabaki zuen. Gose talde arrasatearraren eskutik, Korrikak garai berrietara egokitzen bazekiela erakutsi zuen.
18. Korrika: Esne Beltza
Eta antzeko bidetik, 2013an Esne Beltzaren txanda iritsi zen. Fermin Muguruzaren itzaletan ibili zen Xabi Solano buru, talde gipuzkoarrak Euskal Herriko kaleetan barrena korrika egiteko hautua animatu nahi izan zuen.
Noizean behin 1995.ean frogatutako elkarlanerako bidea jorratzen du Korrikak, eta 2015eko edizioak hainbat artista bildu zituen Oskorriren 'Sautrela' abestiaren bertsio berri batean: Andoni Tolosa, Amaia Ezenarro, eta Jojo Bordagarai, besteak beste
20. Korrika: Izaro, Jurgi Ekiza, Petti...
Edizioak aurrera joan ahala geratu den beste harribitxietako bat ekarri zuen Otxandion hasi eta Iruñean amaitu zen 2017ko edizioak. Uxue Alberdik letra eta Xabier Zabalak musika jarrita, hainbat artistak parte hartu zuten Zirkorrikan: Izaro, Jurgi Ekiza (Willis Drummond), Petti, Miren Narbaiza (Napoka Hiria), Oihana Fernández (Afu), eta Oreka TX. Zirkoa sortu zuten eta korrika erritmo ederra mantentzeko, abesti egokia. Sasoian egon behar, hori bai!
21. Korrika: Mad Muasel, Fermin Muguruza eta La Furia
Azken urteetan ohiko bihurtu den elkarlanaren alde egin zuen apustu Korrikak 2019ko edizioan. Mad Muasel, Fermin Muguruza (Big Beñat geroztik, bigarrenez) eta La Furiak abestu zuten duela hiru urte ezagun egin zen Klika Korrika.
22. Korrika: Ane Garcia, Anari eta Nerea Urbizu
Dakienari eskatuz, azkeneko Korrikak letra beste bertsolari bati eskatu zion, Sustrai Colina Urruñako bertsolariari, alegia. Musika, baina, Ane Garcia, Anari eta Nerea Urbizu jarri diote Hitzekin abestiari Amurriotik Donostiara bidea betetzeko.
23. Korrika: Mursego
Irunen abiapuntua duen Korrikaren edizio honek Mursego musikari eibartarrari enkargatu dio soinu banda. Amaierara arte itxaronez gero, ospe handia hartu zuen korrikalariei buruzko Suzko Gurdien (Chariots of Fire) Vangelisen soinu bandari omenaldi txikia ere bada.
:quality(70)/cloudfront-eu-central-1.images.arcpublishing.com/prisaradio/ZMOTXYJVW5AA5KDYOHVVN3CCTU.jpg)
