IRUN. Bart arratsean abiatu zen Irungo Eraiki Dantza Taldeak antolatzen duen Gaztefolk jaialdia. Hogeigarren edizioa duten honetan, etxeko dantzariekin batera, Ukrainia, Polonia, Georgia eta Peruko dantzari gazteak ibiliko dira Irungo txokoetan zein Hondarribian, Beran edo Etxalarren emanaldiak eta beste zenbait ekintza burutzen, asteartera arte. Atzo, desfilea egin zuten Irunen, harrera egin zitzaien udaletxean eta Zabaltza plazan eskaini zuten Gaztefolken irekierako saioa, Irungo Hiria Musika Bandak talde bakoitzaren pieza batean musika jarri zuelarik. Argazkia: X.S
.