Aurtengo martxoan, Segurtasun eta Bizikidetza Ituna sinatu zuten udalbatza osatzen duten alderdi guztiek. Aurreko agintaldian sinatu zuten lehen aldiz ituna eta Cristina Labordak gogoratu du “eztabaida politikotik at eta batasunean” landu zela. Herritarrei, kezkatzen dien gaia denaren mezua ematea dada alkatearentzat garrantzitsuena, eta horren erakusle “batasun politikoa” dela dio.

Bada, ekainaren 20an itunaren barruko batzorde iraunkorra eratu dutela jakinarazi du udalak eta 2027ra arteko iraupena izango du. Batzorde horren parte dira alderdien bozeramaileak, polizien ordezkariak, auzo elkarteen ordezkariak eta merkatariak. Labordak azaldu du “prebentzioan” dabiltzala lanean.

Ekainaren 2oko bileran Udaltzaibngoaren 2023ko Jarduera Memoria aurkeztu zuten, xehetasunekin. Aurreko urteko memoriarekin alderatu zituzten zifrak, Gipuzkoako hiri nagusietako nahiz EAEko gainontzeko herrialdeetako delikuentzia tasekin, hain zuzen.

Antza, Ertzaintzak Udaltzaingoak baino askoz delitu gehiago tratatu zituen iaz, eskumen kontuengatik. Batzordean adierazi zuten zifrak “mantendu” egin direla aurrez aurreko delituei dagokienez. Bestalde, 2024ko Irungo jaietan eskainiko zerbitzuaz aritu zen Udaltzaingoa.

Alkateak zehaztu du datozen egunetan Plan Estrategikoa idazteko aurrerapausoak emango dituztela. Halaber, polizia plantillan “beharrezkoa den” berregitura egiteko neurriak idazten hasiko direla ere aurreratu du Labordak.

Gaur goizean egin dio uko zinegotzi aktari Miguel Angel Paez sozialistak, 33 urteren ondoren. Behin uko eginda, Cristina Laborda alkateak udal gobernukide berriak aurkeztu ditu. Laborda, Nuria Alzaga, Borja Olazabal eta Sergio Javierren taldera batu dira Jon Ugarte eta Sandra Caballero.

Alkateak lan talde berriaren balioa nabarmendu du: “lan egiteko gaitasuna, gaztetasunaren eta esperientziaren arteko oreka udala kudeatzeko eta, batez ere, hiriarenganako maitasun eta errespetua”. Gaineratu duenez, “Irunen historian, gure hiriaren historian beste orrialde bat idazteko pribilegio eta ardura dugu, eta orain arte bezala idatziko dugu, erantzukizun osoz eta gogo beroz eta irundarrak jarrita gure hiri proiektuaren erdigunean.

Udal gobernu berria eta ordezkaritzak:

Nuria Alzaga, lehenengo alkateordea

• Ogasuna.
• Hiriaren bultzada eta sustapen ekonomikoa.
• Kultura.
• Berdintasuna.

Borja Olazabal, bigarren alkateordea

• Hiriaren garapena, mugikortasuna eta garapen jasangarria.
• Kirolak.

Sergio Javier, hirugarren alkateordea

• Segurtasuna eta herritarren bizikidetza.
• Gobernu irekia eta herritarrentzako arreta.
• Kontsumoa.
• Pertsonak eta zerbitzu orokorrak.
• Gazteria.

Jon Ugarte, laugarren alkateordea

• Obrak, mantentzea eta azpiegiturak.
• Euskara.
• Hezkuntza.
• Diziplina urbanistikoa eta etxebizitzak.

Sandra Caballero, bosgarren alkateordea

• Gizarte ongizatea.
• Giza eskubideak, memoria demokratikoa eta lankidetza.