Uhinak Klima Aldaketa eta Itsasertzari buruzko Mugaz gaindiko Biltzarra, Ficobak eta AZTIk sustatzen dutena, aurrera doa klimaren aldaketak kostaldean dituen ondorioei aurre egiteko ekitaldien artean sendotzeko prozesuan, eta, horrela, gero eta ikertzaile gehiago biltzen ditu, beren azterlanak askotariko parte hartzaileei ezagutarazteko interesa dutenak: zientzialariak ez ezik, administrazio publiko eta enpresetako ordezkariak. Azken batean, klimaren aldaketak kostaldean dituen ondorioei aurre egiteko erantzun eraginkor bat antolatzeko, ezinbestekoa da horiek guztiak elkarlan estuan aritzea.

Aurten 45 hizlarik hartuko dute parte biltzarrean eta, besteak beste, hamabi txosten, ahozko txostenak eta posterrak ekarriko dituzte. Zalantzarik gabe, haien jatorri geografikoa da aipagarriena, Espainiako eta Frantziako estatuetako hizlarien kopurua bera baita ia, Biltzarra mugaz gaindikoa den adierazgarri argi eta garbia.

Berriro ere, klimaren esparruan erreferentziazkoak diren zientzialariak erakartzeko gai izan da Uhinak, eta, haien artean, nabarmentzekoak dira Iñigo Losada, IHC Kantabriako Unibertsitateko Ingurumen Hidraulikako Institutukoa, eta Robert Nicholls, Southamptoneko Unibertsitatekoa.

Losada irakasleak Bide, Ubide eta Portuetako Ingeniaritzako doktoregoa lortu zuen, Kantabriako Unibertsitatean, baita Ingeniaritza Zibileko doktoregoa ere, Delawareko Unibertsitatean. Kantabriako Unibertsitateko Bide, Ubide eta Portuetako Ingeniarien Goi Eskola Teknikoko Ingeniaritza Hidraulikoko katedraduna eta IHC Ingurumen Hidraulikako Institutuko Ikerketako zuzendaria da, eta lan handia egin du kostako eta offshore ingeniaritza, itsas inguruneko energia berriztagarriak eta kostaldeko klima eta klima aldaketa ikertzen eta alor horietako jakintza transferitzen. Bere jakintza arloko autorerik oparo eta aipatuenetako bat da, eta Espainiako Planaren eta Europako programen barruko 25 ikerketa proiektu zuzendu ditu. Era berean, teknologia transferitzeko 70 proiektutan baino gehiagotan parte hartu du, enpresa zein administrazioentzat, eta egun munduko hainbat herrialdetan erabiltzen diren metodologiak garatu ditu. IPCCk klimaren aldaketari buruz egindako bosgarren txostenaren coordinating lead author ere izan da (kostaldeari buruzko kapituluaren arduraduna izan zen) eta, gaur egun, ozeanoei buruzko txosten berria idazten laguntzen ari da.

Robert Nicholls, berriz, aitzindaria da kostako ingeniaritzaren esparruko ikerketan eta hezkuntzan. Funtsean, kostako epe luzeko kudeaketa eta ingeniaritza ikertzen du; bereziki, klimaren aldaketak kostan duen eraginari eta klimaren aldaketara egokitzeari dagokionez eta, berezikiago, itsas mailaren igoerari dagokionez. Gainera, maila guztietan egiten du lan hori: bai tokiko ikerketa, El Solenten, bai ebaluazio globalak. Azken ikergai nagusietako bat delten etorkizuna du, datorren mendean horiek egongo baitira arriskurik handienean kostaldean. Iñigo Losadak bezalaxe, nazioarteko zenbait ebaluaziotan parte hartu du; bereziki, Klimaren Aldaketari buruzko Gobernuarteko Taldearen barruan, zeinak Bakearen Nobel saria irabazi zuen 2007an.

Uhinak Klima Aldaketa eta Itsasertzari buruzko Mugaz gaindiko Biltzarrak Espainiako eta nazioarteko adituak bilduko ditu, Ficoban, bi jardunalditan, planteamendu aktibo baten ikuspegitik aztertzeko zer neurri hartu behar diren Arku Atlantikoko kostaldea klimaren aldaketak datozen urteetan izango dituen ondorioei aurre egiteko prestatzeko. Ildo horretatik, Biltzarraren beste ekarpen bat da sinergiak eta lankidetza dinamikak sortzea itsasertza kudeatzeko eta mantentzeko, mugaz gaindiko ikuspegitik betiere.

Batzorde tekniko baten babesa du biltzarrak. Hain zuzen ere, erakunde hauetako ordezkariek eratzen dute batzorde hori: Eusko Jaurlaritza (Ihobe); Gipuzkoako Foru Aldundia; Adegi; CSIC/ESADE/CEAB; BC3; EUCC Atlantic Center; Bide, Ubide eta Portuetako Ingeniarien Euskadiko Elkargoa; GIS Littoral Basque, Iraunkortasunaren Behatokia-Cristina Enea Fundazioa eta AZTI.

Era berean, erakunde ugarik babesten dute, hala nola Eusko Jaurlaritzak, Gipuzkoako Foru Aldundiak, Euskal Hirigune Elkargoak eta Akitania Berria Eskualdeak.

El aeropuerto de Hondarribia ha cerrado 2017 con un crecimiento del 6,6% en el número de pasajeros respecto al año anterior, contabilizando un total de 281.859 viajeros en el conjunto del año. El movimiento de aeronaves apenas ha registrado variación en 2017. Se han contabilizado 6.925 operaciones de aterrizaje y despegue, un 0,4% menos que en 2016.

Por lo que al pasado mes de diciembre se refiere, 18.764 pasajeros han utilizado la terminal de Hondarribia para viajar, un 11,2% más que en el mismo mes de 2016. El aeropuerto de Hondarribia mantiene durante todo el año conexiones regulares con Madrid y Barcelona.