Bienvenido

Aurrekontu parte hartzaileetarako proposamen finalistak, hautatuta

Udal aurrekontuaren 1,5 milioi euro bideratu dira prozesu honetara eta hilaren 8ra arte dago bozkatzeko aukera.

2025eko partaidetza bidezko aurrekontuetarako proposamenak aurkezteko epea bukatu da, eta 270 pertsonak parte hartu dute prozesuak. Orotara, 1.168 boto eman dira, eta dagoeneko gehien bozkatutako 13 proposamenak hogei finalisten artean sartu dira. Aldiz, gazteentzako prozesuaren baitan, bederatzi finalista hautatu dituzte.

Orain, proposamen finalistak bozkatzeko epea zabalik dago hilaren 8ra arte. Horretarako, udalaren orrialdera joan behar da eta Irun txartela erabiliz bozkatu, eta bestela, HAZ bulegoetara joan daiteke ere.

Gainera, auzo elkarteen lokalak auzoetako bozketa elektronikoan parte hartzeko gune bilakatuko dira, HAZ bulegoetara joateko zailtasunak dituztenei erantzuteko egokituko dituzte. Azkenik, adinekoentzako zentro sozialetan, dinamizatzaileek bozkatzeko prozesuan lagunduko diete bertaratzen direnei.

Guztira, udal aurrekontuaren barruko 1,5 milioi euro erabiliko dira aurrekontu parte hartzaileetarako. Horietatik 1,3 milioi euro prozesu orokorretik atera diren proiektuetarako, eta 200.000 euro gazteentzako, 16 urtetik 30 urtera bitartekoentzako, hain zuzen.

Prozesu orokorreko proposamenak:

Kultur programazioa sendotzea.
Sanpedro eta sanmartzialetan kontzertuak antolatzea.
Zeramika Tailerrak zeramika erretzeko labe bat, labe elektriko bat eta zeramika ijezteko makina bat erostea eta mahaiak eta, oro har, materiala berritzea.
Sorozarreta parkeko bideak eta argiztapena hobetzea.
Zuhaitzen sustraiek espaloietan eragindako kalteak konpontzea.
Puianan BTT zirkuitu bat eraikitzea.
Udaltzaingoak segurtasuna eta zirkulazioa kontrolatzeko eta berauen jarraipena egiteko bitartekoak hobetzea.
Bizikletak garbitzeko guneak jartzea.
Bidegorriak hobetzea.
Zuhaitzak zaindu eta ordezkatzea eta zuhaitz gehiago landatzea, aterpe klimatikoak hedatzeko eta hiria klima aldaketara egokitzeko, industrialdeak, bidegorriak eta haurrentzako parkeak barne.
Kaleko doako kultur ekitaldiak antolatzea.
Eskola kirola diruz laguntzea.
Adinekoentzako jarduera soziokulturalak antolatzea.
Berdeguneak zaindu eta handitzea, berdegune berriak sortzea, egungo berdeguneak hobetzea eta klima aldaketara egokitzen laguntzeko jarduerak sustatzeko sentsibilizazio kanpainak egitea.
Artaleku eta Azken Portu udal kiroldegietako instalazioak berritu eta hobetzea.
Animalientzako aterpeak sortzea.
Auzoetan kultur jarduerak antolatzea.
Karpak eta mahaiak erostea.
Zakarrontzi hautsontzidunak erostea.
Uso populazioa kontrolatzea.

Gazteentzako prozesuaren barruko proposamenak:

Eskoletan bizikletak aparkatzeko toki gehiago jartzea.
Hiriko ikastetxeen ingurua eta eskola bideak aztertzea.
Aisialdiko begirale izateko ikastaroak antolatzea.
Bizikletentzako aparkaleku estali bat jartzea.
Gazteentzako zeramika tailer bat antolatzea.
Techno jaialdi bat antolatzea.
Aire zabaleko zinema emanaldiak antolatzea.
Gazteentzako kontzertuak antolatzea.
Streamer eta youtuberrentzako ikus-entzunezko material sorta bat prestatzea.

Aurrekontu parte hartzaileen lehen proposamenak bozkatu dituzte

Finalera iritsiko diren hiru proposamen hautatu zituzten Palmera Monteron. Gero, hilaren 12tik 16ra online ahalko dira egin proposamenak.

Atzo, partaidetza bidezko aurrekontuen aurrez aurreko bilera egin zuten Palmera Monteron eta 40 lagun gerturatu ziren. Sergio Javier Gobernu Irekia eta Herritarrentzako Arreta ordezkaria izan zen bertan eta dinamika azaldu eta eztabaida taldeak eratu zituen. Horrez gain, bertaratu zirenen proposamenak entzun zituen.

Orotara hamabi proposamen bildu zituzten eta ondoren horiek bozkatu. Guztietatik hiru iritsiko dira finalera, eta ondoren, udaleko zerbitzu teknikoek proiektu horien bideragarritasuna aztertuko dute. Boto gehien lortu zituzten proposamenak honako hauek izan ziren:

Zeramika egosteko labea erostea. Labe elektrikoa, ijezteko makina, mahaiak eta materiala berritzea. 31 boto.
Luis Mariano eta Irasoren taberna sozialak eta jantokia 2025. urtean berriro irekitzea. 19 boto.
San Martzial kirol gunea estaltzea atzeragarri batekin espazioa eta instalatu makina bat ura berotzeko. 18 boto. Proposamen honen bideragarritasuna aztertzen ari dira udal teknikariak eta ez bada bideragarria, boto gehien jasotzen dituen hurrengoa hautatuko dute.

Dena den, oraindik proposamenak bidal daitezke Irungo Udalaren orrialdetik eta horiekin beste online bozketa bat egingo da, 2025eko aurrekontu orokorra osatzeko azken bozketarako.

Proposamenak online egiteko epea hilaren 12tik 16ra bitartekoa da, eta bozketa hilaren 30etik urriaren 1era egin beharko da. Boto gehien jasotzen duten hamahiruak azken bozketan sartuko dira. Botoa eman ahal izateko Irun Txartela erabili beharko dute, eta pertsonako bost proposamen aukeratu ahalko dira.

Bestalde, prozesu orokorraren barruan beste lau proposamen sartuko dira azken bozketan: auzo elkarteen federazioaren hiru eta Hiritar Foroaren bat. Hala, hogei prioposamen sartuko dira azken bozketan.

Gazteentzako prozesuaren barruan lau proposamen onartuko dituzte bozketetatik: Eskolako Agenda 2023 ekimenaren bi, Gazteria Zerbitzuaren bat eta IrunBixi foroaren bat.

Prozesu bakoitzeko hogei aterako dira eta ideia finalistak bozkatzeko epea urriaren 4tik 8ra arte egongo da irekita. Udalaren webgunera jo beharko da horretarako, baina HAZ bulegoetan ere ahalko da botoa eman.

¡SAQUEMOS EL ARTISTA QUE LLEVAMOS DENTRO!

Ayer se celebró la única sesión presencial de la décima edición de los Presupuestos Participativos (2025).

Por lo demás, hoy se inicia el proceso on-line (presentar propuestas on-line.

La esencia de los Presupuestos Participativos es que LAS Y LOS CIUDADANOS podamos incluir en los presupuestos unas propuestas emanadas de las y los vecinos de una ciudad, en este caso Irun.

En ediciones anteriores, hemos podido ver (y está en la hemeroteca), cómo un grupo de ciudadanos se unían, compartían inquietudes, "luchaban" por lo que consideraban que era bueno tanto para ellos como para el resto de la ciudad, propuestas que de partida eran muy interesantes.

Otras instituciones o Ayuntamientos, simplifican la normativa ofreciendo propuestas desde la organización. Cerradas. Sin opción de PARTICIPAR, con mayúsculas en el proceso abierto. En Irun, se ofrece la posibilidad a las y los ciudadanos de pensar en las necesidades de la ciudad, aquellas que el gobierno local no ve.

Saquemos el artista o el niño que todas y todos llevamos dentro. Hablemos con amigos, vecinos, compañeros de trabajo y, seguro que si nos unimos, ese lienzo que nos dejan en blanco y que se valora en 1.300.000€, para ir rellenando con distintas propuestas nuevas, innovadoras, se va a llenar de color, de líneas, de ilusión, por parte de las y los proponentes. Hay que tener las ideas claras, ser conscientes de que las hojas del calendario caen con rapidez.

Si se presentan muchas propuestas, las obras dentro del lienzo formarán un collage lleno de oportunidades y diversidad.

Hamargarrenez erabakiko dira aurrekontu parte hartzaileak

Herritarrek udal aurrekontuaren barruko 1,5 milioi euroren erabilera erabakiko dute. Prozesu parte hartzailea hilaren 11n irekiko da.

Irungo Udalak prest du beste urte batez partaidetza bidezko aurrekontuak bozkatzeko prozesua. Aurtengoa iniziatiba horren hamargarren ekitaldia izango da, eta gaur goizean aurkeztu ditu egitasmoaren gaineko xehetasunak Sergio Javier Gobernu Irekiko eta Herritarren Arretako ordezkariak. Aurreko urteetan bezala, aurten ere herritarrek udal aurrekontuaren barruko 1,5 milioi euroren erabilera erabakiko dute.

Javierrek adierazi du Irun “hiri hobea” bilakatzeko bidean, “ezinbestekoa” dela irundar guztien iritzia eta ikuspuntuak kontuan hartzea: “Horregatik iruditzen zaigu garrantzitsua urtero partaidetza bidezko aurrekontuak martxan jartzea eta sustatzea. Irundar askoren oniritzia dute, eta, gure ustez, hitza eta botoa ematen diete auzo elkarteei zein entitateei, hiria tinko hobetzen segitzeko proposamen eta ideiak aurkezteko aukera”.

Ohi bezala, prozesu orokorra eta gazteena irekiko dituzte. Orokorrean 16 urtetik gorako herritarrek har dezakete parte, eta 1,3 milioi euroren erabilera erabakiko da bertan. Gazteentzako prozesua 16 eta 30 urte bitarteko herritarrei begirakoa da, eta 200.000 euroren erabilera erabakiko dute haiek.

Herritarrek online zein aurrez aurreko saioetan egin ahalko dituzte ekarpenak. Proposamenak online aurkezteko epea hilaren 12tik 16ra bitartekoa izango da, udal webgunearen bidez. Baliozkotzen diren proposamen guztiekin aurretiko bozketa bat egingo da hilaren 30ean eta urriaren 1ean, eta boto gehien jasotzen dituzten hamahiruak azken bozketan sartuko dira. Parte hartzeko, Irun Txartela erabili beharko da, eta herritar bakoitzak bost proposamen aukeratu ahal izango ditu gehienez.

Aurrez aurreko bileran hiru proposamen aukeratuko dira azken bozketan sartzeko. Bilera hori hilaren 11n izango da, Palmera Monteroko bigarren aretoan, 19:00etan.

Prozesu orokorraren barruan beste lau proposamen sartuko dira azken bozketan: Auzo Elkarteen Federazioaren hiru eta Hiritar Foroaren bat. Orotara, hogei proposamen sartuko dituzte azken bozketan. Gazteentzako prozesuan ere beste lau proposamen sartuko dituzte: Agenda 2030 programako bi, Gazteria Zerbitzuaren bat eta IrunBixi foroaren beste bat. Lau proposamen horiekin, prozesu horretan ere hogei ekarpen sartuko dituzte.

Prozesu bakoitza hogei neurrik osatuko dute, hau da, orotara 40 ekarpen egingo dituzte herritarrek. Zerbitzu tekniko gaituek baloratuko dituzte proposamen horiek, eta proiektuen zerrenda udalaren webgunean jarriko da, herritarren 2025eko aurrekontu orokorraren barruan zer proposamen sartuko diren bozkatu dezaten.

Proposamen finalistak bozkatzeko epea urriaren 4tik 8ra bitartekoa izango da, eta udalaren webgunearen bidez bozkatu beharko da Irun Txartela erabiliz. Txartela hori ez dutenek, aurrez aurre ere eman ahal izango dute botoa Herritarrentzako Arreta Zerbitzuaren bulegoetan, zehazten diren egunetan.

Menú principal

Encuesta

Aurrekontu parte hartzaileetarako proposamen finalistak, hautatuta

Aurrekontu parte hartzaileen lehen proposamenak bozkatu dituzte

¡SAQUEMOS EL ARTISTA QUE LLEVAMOS DENTRO!

Hamargarrenez erabakiko dira aurrekontu parte hartzaileak

Buscar

Últimas noticias

Lo más leido